WIE IS HIERDIE MAN –
FRANZ JOOSTE?
As laerskool seun het hy in verskeie plattelandse plaasskole onderrig gekry en word hy as skoolseun afwissellend op ‘n vrugteplaas en soms in die dorp groot.
As 7-jarige skoolseun het hy al die lande in die wêreld se vlae geken.
As Graad 1 skoolseun, ontvang hy gedurende republiekwording in 1961, ‘n oranje-blanje-blou Unievlaggie van sy pa wat skoolhoof van ‘n plaaslike laerskooltjie tussen Delareyville en Lichtenburg was. Hierdie vlaggie het ‘n groot invloed in sy Vaderlandsliefde gehad en hy besit dit vandag nog.
In Oktober 1964 het hy as 10-jarige skoolseun, Dr. Verwoerd se toespraak by De Wildt bygewoon. Hy was in besonder beïndruk deur die geesdrif van die mense tydens hierdie geleentheid. Op hierdie stadium het hy alreeds Dr. Verwoerd se hele kabinet geken.
In 1966 is oupa Frank Jooste, 18 dae na Dr. Verwoerd oorlede, nadat hy ‘n hartaanval gekry het by die aanhoor van die moord op Dr. Verwoerd. Hierdie twee sterftes kort na mekaar het hom geweldig getref en hy het vervolgens baie patrioties geword.
MEER OOR KOL. JOOSTE
In 1968 sluit hy aan by die Voortrekkers en die ACSV. Na Voortrekker byeenkomste moes hy ongeveer 30 km terughardloop na sy huis in die aande!
In 1969 maak hy prakties kennis met die politiek toe twee Hertzog kleinseuns sy klasmaats word en hom begin vertel van die verraad wat die NP besig is om te pleeg. As 14-jarige skoolseun help hy vervolgens die HNP om tydens verkiesings om plakkate op te sit. Die leuse van die skool: “Dien en Oorwin” tref hom in besonder.
In 1970 maak hy kennis met die militêre lewe in die skool kadette se dril peloton.
In 1971 raak hy betrokke aan by die skool se redenaars. Hy word ook ACSV leier.
In 1972 matrikuleer hy aan Hoërskool Gerrit Maritz.
In 1973 doen hy militêre diensplig by die 2de SA Infanteriebataljon (2SAI) te Walvisbaai.
Hierna dien hy 8 maal op die grense van Suid-Afrika, Rhodesië (Zimbabwe) en Suidwes Afrika (Namibië) in die Bosoorlog op ‘n periodieke basis in die Burgermag Eenheid, 2de Regiment Noord Transvaal (2RNT) van die SAW oor ‘n tydperk van 8 jaar. (1974 – 1981)
Hy kwalifisseer homself hier as Infanterie – masjiengeweer spesialis en doen kursusse op al die onderskeie masjiengewere van die weermag.
Gedurende hierdie tyd verwerf hy die Pro-Patria, Suiderkruis, Oorgrens en Binnelandse beveiliging medaljes.
In 1979 begin hy om die Bybel intensief te bestudeer. In die proses het hy die Bybel 2 keer deurkruis en met kruisverwysings intensief bestudeer tesame met die Apokriewe boeke. Later neem hy die module; Bybelkunde (Ou nabye Oosterse studies) aan Unisa.
In 1979 begin hy met ‘n intensiewe studie van die militêre rangstelsel van die Boere-Afrikanervolk. Hy voel veral gebelgd oor die sterk Britse militêre tradisies in ons weermag en begin met ‘n poging om veral ‘n suiwer Boere rangstelsel te implimenteer.
In 1979 raak hy ook betrokke by die Oranjewerkers in noue samewerking en vriendskap van Hendrik Verwoerd (jnr), seun van Dr. Hendrik Verwoerd.
In 1981 maak hy kennis met die AWB. Hy hou van die embleem en militante karakter van die beweging. Hy sluit aan, net na die “teer-en-veer” insident van Prof. Floors van Jaarsveld. As heraldikus help hy om die AWB-embleem korrek gestylleer te kry.
In 1982 stig hy die Wit Wag en die Blitskommando (militante eenhede) binne die AWB in direkte opdrag van Mnr. Eugene Terre’blanche. Hy dien ook op verskeie geleenthede as persoonlike lyfwag van Mnr. Terre’blanche.
In 1983 doen hy offisierskursusse in ‘n koverte leër eenheid. Hy kwalifisseer homself as militêre inligtings en operasionele offisier met die rang van majoor.
In 1985 stig hy Brandwag Sekerheid as volksbeveiligings instansie in direkte opdrag van Mnr. Terre’blanche, leier van die AWB. Brandwag word dan ook die heel eerste Buurtwag-stelsel van Suid-Afrika. Dit word later as sekerheidsmaatskappy geregistreer.
In 1988 help hy met die westelike trek van die 100-jarige herdenking van die Groot Trek.
Vanaf 1980 tot 1989 het hy verskeie weerstands aksies binne volksverband help reël.
In 1989 raak hy deel van ‘n groot groep beswaardes binne die AWB insake die optrede van die leier. ‘n Groot deel van die hoofraad bedank uit die AWB. ‘n Nuwe beweging word in die vooruitsig gestel. Hy stel die naam: Boere Vryheidsbeweging vir die nuwe beweging voor. Die naam word aanvaar.
In 1990 stig hy die Pretoria Boerekommandogroep (PBKG) as militante vleuel van die Boere Vryheidsbeweging, ten einde te help met die veiligheidsituasie in en om Pretoria en met die spesifieke opdrag om te help met die oprigting en beveiliging van Radio Pretoria. Opdrag: Beveilig Radio Pretoria teen vyandelike magte.
In 1990-1992 is hy betrokke by die Volkseenheidkomitee (VEKOM) en die Eenheidskomitee van 25 vir die identifisering van grondgebied vir ‘n volkstaat.
In 1993 word hy aangestel as sekretaris van die Veiligheidsraad van die Pretoria Boerekommandogroep.
In 1993 word die militêre rangstelsel en meegaande regalia wat hy in 1979 begin navors het, in die Pretoria Boerekommandogroep ge-implimenteer as amptelike rangstelsel.
In dieselfde jaar help hy om Radio Pretoria te stig en een van sy Brandwag kliënte; Mnr. Peet Pieters, verskaf die fondse om die radiostasie op die been te bring.
In 1993 verskaf hy ‘n kommunikasie sisteem aan Kmdt. Ratte en sy Boerekommando lede binne die forte om Pretoria wat deur hul beset is. Hy reël ook ‘n motorkade te ondersteuning van die manne binne Schanskop fort.
In 1993 ruk hy saam met duisende behoudende mense op na Kemptonpark by die wêreldhandel-sentrum om beswaar te maak teen die Kodesa onderhandelings en oorgawe.
In 1993 sluit hy ook aan by die Verkenner Beweging tewete die Akasia Verkennerspos.
In 1996 is hy deel van die Red Willem Ratte veldtog afvaardiging wat Kmdt. Ratte in die tronk besoek tydens sy eetsaking. Hy oorhandig die Derde Vryheidsoorlog medalje (Goud) namens die Pretoria Boerekommandogroep aan Kmdt. Ratte.
In 1997 verteenwoordig hy die Boere-Afrikanervolk by die 17de internasionale vlagkongres en doen hy ook ‘n hoofstuk in die amptelike boek van die kongres, genaamd: “Flags of the Boers – a very old history”. In ‘n amptelike brief versoek hy president Mandela om die Vierkleur en Vrystaatvlag los te maak van hul registrasie in naam van die staat.
In 1998 ontwerp hy, as volksheraldikus, die embleem van die Afrikaner Volkskultuurbeweging (AVKB) asook die embleem van die CVO skool, Pretoria Oos.
In 1998 help hy om ‘n kommanderingsrit te perd, onder leiding van Kmdt. Willem Ratte te reël.
In 1999 word hy as voorsitter van die koördinerende komitee vd BKK aangestel.
In dieselfde jaar word hy ook as voorsitter van die Volkskomitee vir die 100-jarige Herdenking van die Tweede Vryheidsoorlog se perdekommando’s aangestel. Onder sy leiding mobiliseer hy 300 man in die saal wat landwyd luister verleen aan hierdie herdenking.
Onder sy leiding begin die Boerekommandokorps In die jaar 2000 om offisierskursusse en kadetkampe te reêl. Hy word vervolgens as Uitvoerende Beampte met die rang van kommandant aangestel. Honderde seuns is sedertdien tydens hierdie kadetkampe opgelei in militêre styl.
Onder sy leiding met behulp van Kol. Dawid Grobbelaar begin die Boerekommandokorps in 2001 met Weerbaarheidskursusse. Duisende mense word tans steeds hierin opgelei.
In 2002 voltooi hy die laaste fase van voorgeskrewe Offisiers kursus en word op permanente basis in die rang van kommandant aangestel.
Vanaf 1993 tot 2010 het hy ons volksimbole, onder andere die Vierkleur, Vrystaatvlag, Vryburgervlag, Nataliavlag en andere gereeld op Radio Pretoria en ander volksmedia bekend gestel en gepropageer.
In 2004 stig hy die Genootskap vir Afrikaner Simbole (GAS) wat ondersoek begin doen na die Afrikaner se simbole. Daar word veral begin met die ordening van die Boere-Afrikaner volk se vlae en simbole.
Vroeg in 2005 is hy aktief betrokke by die 150-jarige herdenking van die bestaan vd Vierkleur. Hy skryf ook ‘n hoofstuk in die amptelike program, getiteld; Geskiedenis vd Vierkleur en lewer ook ‘n toespraak oor die ontstaan van die Vierkleur.
In 2007 (na 4 jaar navorsing) word die Afrikanervlag bekend gestel en landwyd onder die volk bemark. Nou het ons provinsiale simbole sowel as ‘n nasionale simbool.
In 2007 raak hy weer betrokke by die Volksfront (nou die Vrye Republikeinse beweging), die Afrikanerfront en ook die Tussentydse Afrikanerraad (TAR)
Vroeg in 2009 stel hy die Kommandokorps landwyd bekend toe berigte van die organisasie se Kadetkampe landwyd in die media verskyn.
In 2010 reis hy deur die land in ‘n poging om kommando’s landwyd te stig. Die Kommandokorps word internasionaal bekend. In hierdie jaar word hy ook deur die Opperraad van die Kommandokorps tot die rang van kolonel bevorder.
Vanaf die jaar 2000 tot huidiglik het hy al verskeie kadetkampe gereël en is duisende van ons jong seuns weer opgelei in militêre styl.
In 2011 word hy verkies as Volksraadslid van die Boere-Afrikaner Volksraad. Hy dien met ywer op die Volksraad en loods verskeie projekte. Hy ontwerp onder andere die Volksraad se embleem en word aangestel as voorsitter van ‘n waarderingskomitee.
In 2012 word Radio Pretoria oorgeneem deur direksielede van Solidariteit en Afriforum. Na ‘n gesprek met ‘n sekere Kallie Kriel op Radio Pretoria, verbied hierdie radiostasie advertensies en praatjies van die Kommandokorps. Selfs reklame vir veiligheidsopleiding van ons mense word verbied. Die Kommandokorps, een van die stigters- en beskermingsorganisasies van Radio Pretoria word dus nou verwerp deur die organisasie wat hom help stig het. Bowenal is Afriforum/Solidariteit nie Vryheidsgesind nie.
In November 2012 stig hy vervolgens ‘n nuwe moderne internet radiostasie, met die naam: Radio Vryheid, om hierdie leemte te vul. Radio Vryheid is ‘n internet versetstasie wat wil help om die Boere-Afrikaner op die pad na soewereine vryheid te neem. Die stasie gaan elke dag van krag tot krag en het die potensiaal om die ware Vryheid spreekbuis te raak.
In 2013 bedank hy uit die Boere-Afrikaner Volksraad en sit sy aktiwiteite voort onder die Vaderland Adviesgroep ten einde die Volksraad van advies te bedien.
Gedurende hierdie tyd het hy ook tersiêre studies gedoen. Aan Unisa het hy die volgende modules onder Internasionale politiek gedoen:
- Afrika politiek
- Staatsleer (Konflik & konflik resolusie)
- Staatsleer (Politieke Kennis)
- Kommunikasiekunde (Openbare redevoering en openbare toesprake)
- Grondslae van Internasionale Politiek I, II en III
- Behaal onderskeiding in Internasionale politiek III
- Bybelkunde – Ou en Nabye oosterse kultuur – ONO
Weens die wyduiteenlopende aard van die modules kan hy egter nie ‘n graad verwerf nie, maar stel ook nie daarin belang nie – hy wil net Boerseun saam met sy volk wees.
Hy is tans besig met die Vaderland Adviesgroep, ‘n groep wat ander instansies bedien met raad ten opsigte van territoriale grondgebied vir ‘n eie soewereine Vaderland.
Hy dien ook tans steeds as uitvoerende hoof van die Kommandokorps www.kommandokorps.co.za, uitvoerende direkteur van Patriot Produkte, voorsitter van die Genootskap vir Afrikanersimbole (GAS) Hoofkoördineerder van die Vaderland Adviesgroep en hy dien tans op die ASK (Afrikaner Strategiekomitee)
- Hy is al patrioties teenoor sy volk sedert 7-jarige ouderdom.
- Hy is polities betrokke by sy volk sedert 14-jarige ouderdom.
- Hy is godsdienstig betrokke by sy volk vir die afgelope 36 jaar.
- Hy is heraldies betrokke by sy volk vir die afgelope 38 jaar.
- Hy is militêr betrokke by sy volk vir die afgelope 42 jaar.
Wie dus, is hierdie man?
- Hy is ‘n Godsman,
- Hy is ‘n volksman,
- Hy is ‘n soldaat.
Kommandokorps Bemarkingspan
